📽哥哥仔復課前嘅最後一項娛樂節目🎞
👨👩👦👦其實我哋一家人都好鍾意睇電影，因為睇電影嘅時候可以拋開日常一切嘅煩惱，全程投入喺天馬行空嘅劇情裏面，而當中既故事內容都會帶俾我哋好多唔同嘅睇法同埋思考嘅空間！
🥰同小朋友一齊睇嘅最愛當然係迪士尼系列啦，除咗畫面靚之餘亦好多親情元素，就好似今次我哋睇嘅½的魔法咁，講述小精靈兩兄弟有一日獲得可以令到已故爸爸翻生24小時嘅魔法，從而展開一連串驚險又搞笑嘅歷險記！看似乜都夠膽死嘅哥哥原來係經歷咗一啲佢最傷心嘅事情，令佢承諾自己以後要勇敢面對一切，而一向驚青細膽嘅弟弟係哥哥嘅不斷鼓勵之下終於都肯相信自己同埋踏出勇敢嘅第一步，兩兄弟嘅感情仲大有進步添，偷偷地話俾你聽，我由細到大都相信世界上最大嘅魔法就係：「愛」！😍
臨近父親節，呢套主要講爸爸同仔仔之間嘅感情同互相合作方能成功嘅題材真係好適合一家人去睇，誠意推薦！💗
#迪士尼電影系列 #迪士尼電影 #彼思電影 #合家歡時段
Search